Íslenskar gæsalappir
WordPress kerfið breytir sjálfkrafa beinum hefðbundum gæsalöppum í hallandi gæsalappir í fallinu wptexturize(), sbr. “dæmi” og ‘dæmi’. Finninn Kimmo Suominen skrifaði íbót fyrir landa sína (og svía m.a.) sem breytir gæsalöppunum í hægri hallandi gæsalappir sbr. ”dæmi” og ’dæmi’.
Hægt er að breyta þessari íbótinni hans á mjög einfaldan hátt svo hún virki fyrir íslenskar gæsalappir. Nóg er að skipta út línum 81 og 82 (þær breyta annarsvegar “ í ” og ‘ í ’ hinsvegar):
$curl = str_replace('“’, ‘”’, $curl);
$curl = str_replace(’‘’, ‘’’, $curl);
fyrir eftirfarandi:
$curl = str_replace('“’, ‘„’, $curl);
$curl = str_replace(’”’, ‘“’, $curl);
Fyrri línan breytir “ í „ og sér því um opnun íslenskra gæsalappa. Seinni línan breytir ” í “ og lokar íslensku gæsalöppunum. Við skiptum okkur ekki af einföldu gæsalöppunum því það er ekki venja fyrir notkun þeirra í íslensku og þegar þær eru notaðar þá er enska fyrirkomulaginu fylgt.
Hægt er að skoða breyttu íbótina í held sinni: icequote.php. Auk breytinganna hér fyrir ofan hafa bara verið gerðar nokkrar breytingar á nöfnum svo augljóst sé að íbótin sé fyrir íslensku en ekki finnsku. Til að nota íbótina þarf að vista hana sem icequote.php í wp-content/plugins möppuna og virkja hana svo undir íbætur flipanum.